老師教材【範例一】
第一部份 食點心有疑問
Tē-it Pōo-hūn Tsia̍h Tiám-sim Ū Gî-būn
📕 001 01-03
這改歇寒轉去臺南外媽兜過年，大舅有𤆬①阮規家口仔②，去共有名的點心食透透。
Tsit kái hioh-kuânn tńg-khì tâi-lâm guā-má tau kuè-nî, tuā-kū ū tshuā guán kui-ke-kháu-á, khì kā ū-miâ ê tiám-sim tsia̍h-thàu-thàu.
頭工③去保安宮的保安路食煙腸熟肉佮蝦仁肉圓，食甲肚脹，雖罔喙飽目睭枵④想閣欲食當時行的鼎燒意麵，毋過飽甲，實在無法伊。
Thâu kang khì Pó-an-kiong ê Pó-an-lōo tsia̍h ian-tshiâng-si̍k-bah kah hê-jîn-bah-uân, tsia̍h kah tóo-tiòng, sui-bóng tshuì pá ba̍k-tsiu iau koh siūnn-beh tsia̍h tng sî-kiânn êtiánn-sio-ì-mī, m̄-koh pá kah, si̍t-tsāi bô-huat–i.
閬工⑤，赤崁樓𨑨迌煞，就去邊仔的石舂臼⑥食暗頓，食一碗米糕配牛肉湯就飽 tu-tu 矣，大舅講：「來隔壁擔叫一𥐵鱔魚意麵公家食，食看滋味按怎？」頭改食著遮爾甜的點心，特別甲我心內有一thoo-lá-khuh⑦的問號。
tiánn-sio-ì-mī, m̄-koh pá kah, si̍t-tsāi bô-huat–i. Làng-kang, Tshiah-khàm-lâu tshit-thô suah, tō khì pinn–á ê Tsio̍h-tsing-khū tsia̍h àm-tǹg, tsia̍h tsi̍t uánn bí-ko phuè gû-bah-thng tō pá-tu-tu–ah, tuā-kū kóng: “Lâi keh-piah tànn kiò tsi̍t phiat siān-hî-ì-mī kong-ke tsia̍h, tsia̍h khuànn tsu-bī án-tsuánn?”Thâu kái tsia̍h-tio̍h tsiah-nī tinn ê tiám-sim, ti̍k-pia̍t kah guá sim-lāi ū tsi̍t thoo-lá-khuh ê mn̄g-hō.