情景對話(一)
📕 046 01-04
阿梅：「阿南，你第三改段考準備甲按怎？你這馬有咧讀冊無？」
阿南：「哎！阿梅，老實講，猶無把握，我都那讀那聽歌哩！」
阿梅：「啊！聽歌讀冊心情較輕鬆啦！你咧聽啥歌？」
阿南：「江蕙的，我足愛聽呢，我是伊的迷眾①。」
阿梅：「我顛倒愛聽蕭煌奇的閩南語歌。怪奇呢？是按怎咱攏無愛聽少年氣口的歌？」
阿南：「我拄著仔②有咧聽Hip-hop 的閩南語歌。」
阿梅：「真的喔！我感覺你有臺客的su-tài-luh③呢。」
阿南：「按呢等考試煞，你愛送我花仔衫④佮藍白拖仔喔。」